ايش

ايش :] اي : ش [ ، ــ انرگييانئنگ بير گؤرنۆشي نينگ باشغا بير گؤرنۆشه گچمـِك ليك پروُسه سي ، حرِكـِتده بوُلماق لئق. ــ اديليأن، چكيليأن زأحمـِت . بارـ بار ايشدِن بار ، ايشلـِمـِديك نانا زار ( ناقئل). آشي يوُق اوُرازا توتار ، ايشي يوُق ناماز اوُقار ( ناقئل ). ــ آيلئغئنگ چشمه سي حؤكمۆنده هايسي ـ دا بوُلسا بير غورامادا اديليأن غوللوق، كأر. ایر بیلـِن ايشه گیديأرين. ــ زأحمـِت نتيجه سينده دؤرديلـِن اثـِر و ش. م. اوُنونگ عئلمي ايشي چاپ اديلدي . ــ زأحمـِت چكيليپ يرينه يتيريليأن زات . اوُل اديپ اوُتوران ايشيني تاشلاپ ، داشارئق چئقدي . ايش اۆستۆنده : ايش باشئندا ، ايش واغتي . ايش اوقئبئني ييتيرمـِك : ايش باشارجانگ لئغئنگي گيدرمـِك ، غورپدان غاچماق ، مايئپ ـ مۆجرۆپ بوُلوپ ، ايشدِن غالماق ، غارراماق . ايش ايشدِن گچمـِك :‌ بوُلجاق ايش بوُلوپ گچمـِك ، غايتارئپ بوُلماز درِجه ـ ده آنگري گيتمـِك . ايش ايشدِن گچـِن سوُنگ ، اوُنونگ اوغروندا ائلغانئنگ خايري يوُق . ايش سالئشماق : بيري بيلـِن ایشده آراغاتناشئق اتمـِك . ايش كسمـِك : سود اديپ ، جزا برمـِك ، يئل كسمـِك . ايش گؤركـِزمـِك : ــ ايشي اۆستۆنليكلي يرينه يتيرمـِك ، اوُنگات ايش اتمـِك . ــ درد بوُلماق ، آزار بوُلماق ، خوپبات يامانئني برمـِك . ايشدِن ال سوُواماق : اديأن ايشينگه سوُووق ـسالا غاراماق ، اۆنس برمـِزليك. ايشده ايش تاشلاماق : سر. استاچكا . ايشدِن چئقئشماق : كؤپ واغت ايشلمأن سوُنگ ايشه گيريشـِنينگده ، اوُنگات ايشلأپ بيلمـِك اوقئبئنگي ييتيرمـِك . ايشه بيشيشمـِك : ايشينگ تأريني اله آلماق ، ايشه انديك اتمـِك، ايشه اوُنگات ورديش اتمـِك. اوُل يومروق يالي لئغئندان ايشه بيشيشيپدي . ايشي غايتماق : هلأك چيليگه دوچار بوُلماق ، ادِن ايشي باشا بارمازلئق ، ماسغارا بوُلماق ، اربـِت ياغدايا دۆشمـِك . كيم اوروش ايسلـِيأن بوُلسا ، اوُنونگ ايشي غايدان دئر . ايشي كؤر اتمـِك : ايشي غوتارمان غوُيماق ، تاشلاماق . ايشينگ ايلـِري : توتان ، باشلان ايشينگ شوُولي بوُلسون ! ايشينگ پيررئق بوُلماق : ايشينگ پاشمازلئغي ، اربـِت بوُزولماسي . ايشيني گؤرمـِك : باغتئني ياتئرماق، بدباغت چئلئقلي ، اربـِت ياغدايا سالماق. آتام، انـِم منينگ ايشيم گؤريأرلـِر ، تانالمايان بير يات يره بريأرلـِر . كوُنتروُل ايش : مكتـِپ لـِرده گچيريليأن يازوو ايشي . غارا ايش : فيزيكي گۆيچ غوُيلوپ اديليأن ايش . اؤي ايشي: ــ اؤي خوُجالئغئنا دگيشلي بوُلان ايش لـِر . ــ يرينه يتيرمـِك اۆچين موغاللئم طاراپئندان اوُقووچا بريليأن يوموش.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *